बिराटनगरस्थित बी एण्ड सी अस्पताल व्यवस्थापन र मेडिकल अफिसर टिमबीच तलब तथा ड्युटी समयसम्बन्धी मागका विषयमा सहमति जुटेको छ। सहमति पश्चात् अस्पतालका सबै नियमित स्वास्थ्य सेवाहरू पूर्ववत् सञ्चालन भैरहेको अस्पतालले जानकारी दिएको छ।
मेडिकल अफिसर टोलीले सार्वजनिक गरेको पत्रमा आफूहरूले तलब र ड्युटी समयसम्बन्धी जायज मागहरू व्यवस्थापनमा प्रस्तुत गरेको उल्लेख छ। मागहरूलाई व्यवस्थापनले सकारात्मक रूपमा लिएर खुला र पारदर्शी वार्ता गरेको र छलफल सफल भएको मेडिकल अफिसरहरूले जनाएका छन्।
अस्पताल प्रशासनका अनुसार व्यवस्थापन तथा मानव संसाधन विभागले उठाइएका मागहरू कार्यान्वयन गर्न प्रक्रिया सुरु गरिसकेको छ।
अस्पतालले दैनिक आपतकालीन, बहिरंग तथा भर्ना सेवाहरू नियमित रूपमा सञ्चालन भइरहेका छन् भने कुनै सेवा प्रभावित नभएको स्पष्ट गरिएको छ।
