आईसीसी टी–२० विश्वकप एसिया तथा इस्ट एसिया प्यासिफिक छनोटअन्तर्गत सुपर सिक्स चरणमा नेपालले आज ओमानको घरेलु मैदानमा प्रतिस्पर्धा गर्ने भएको छ।
यो खेल ओमानको अल अमेरत क्रिकेट मैदानमा नेपाली समयअनुसार राति ८:४५ बजे सुरु हुनेछ।
ओमानविरुद्ध जित हासिल गर्न सके नेपाल सन् २०२६ मा भारत र श्रीलंकामा हुने टी–२० विश्वकपमा छनोट हुनेछ। यसअघि नेपालले युएई र कतारलाई पराजित गर्दै सुपर सिक्समा स्थान बनाएको छ।
सुपर सिक्सका खेलहरू सकिएपछि शीर्ष तीन टोलीहरूले विश्वकपमा स्थान बनाउनेछन्। त्यसैले आजको खेल नेपालका लागि टी–२० विश्वकपमा पुग्ने सुनौलो अवसरका रूपमा हेरिएको छ।
