नेपाल प्रिमियर लिग अस्ट्रेलिया (NPLA-4) को फाइनल खेलमा वीरगंजका युवा क्रिकेटर रमन जैसीले ऐतिहासिक प्रदर्शन गरेका छन्। उनले जम्मा २.२ ओभर बलिङ गर्दै केवल १ रन खर्चिएर ६ विकेट हात पार्न सफल भए। विशेषगरी एक ओभरमै ४ विकेट लिएर उनले प्रतियोगिताको इतिहासमा नयाँ कीर्तिमान बनाएका हुन्। NPLA-4 मा यस्तो उपलब्धि हासिल गर्ने उनी पहिलो खेलाडी बनेका छन्।
रमन जैसीको उल्लेखनीय प्रदर्शनलाई लिएर उनलाई उज्ज्वल भविष्यको शुभकामना दिइएको छ। क्रिकेटप्रेमीहरू आशावादी छन् कि निकट भविष्यमा उनी राष्ट्रिय क्रिकेट टोलीमा समावेश भइ देशको प्रतिनिधित्व गर्नेछन्।
