दक्षिणी चीनको गुआङ्सी झुआङ स्वायत्त क्षेत्रस्थित लिउझाउ शहरको एक सुँगुर प्रजनन फार्ममा भीषण आगलागी हुँदा पाँच जनाले ज्यान गुमाएका छन्।
स्थानीय अग्नि नियन्त्रक तथा उद्धारकर्मीका अनुसार आइतबार साँझ करिब ५ः२० बजेतिर सुरु भएको आगलागी केही समयमा नै नियन्त्रणमा लिइएको थियो। घटनास्थलमा उद्दार टोली पुग्दा पाँच जनालाई मृत फेला परेको अधिकारीहरूले जनाएका छन्।
अधिकारिहरूले आगलागीको कारण अझै खुलेको छैन भन्दै प्रारम्भिक अनुसन्धान जारी रहेको जानकारी दिएका छन्। विस्तृत छानबिनपछि आगलागीबारे थप विवरण सार्वजनिक गरिने छ।