सम्बन्धित आयोगको सिफारिसमा आधारित भदौ २३ र २४ गतेको प्रदर्शनका घटनाको सुरक्षा संयन्त्र अध्ययनका लागि गठित समितिको कार्यावधि ४५ दिनले बढाइएको छ। आज बसेको मन्त्रिपरिषद् बैठकको निर्णयबारे सरकारका प्रवक्ता तथा शिक्षा तथा खेलकुदमन्त्री सस्मित पोखरेलले जानकारी दिएका हुन्।
बैठकले भूमि समस्या समाधान समितिको अध्यक्षमा कास्कीका बलभद्र बाँस्तोला र सदस्यमा काठमाडौंका अमिरप्रसाद न्यौपाने, लमजुङकी पद्मिनी सोती तथा काठमाडौंकै डा. रेहना श्रेष्ठलाई नियुक्त गरेको छ।
साथै, सरकारको बैठकले युएनइपीबाट ओजन तहलाई हानि पुर्याउने पदार्थको व्यवस्थापन र न्यूनीकरणका लागि मोटेरल पोर्टोकल कार्यान्वयनसम्बन्धी सम्झौता स्वीकृत गर्ने निर्णय गरेको छ। त्यस्तै, सशस्त्र प्रहरी नायब महानिरीक्षक अञ्जनीकुमार पोखरेललाई सशस्त्र प्रहरी अतिरिक्त महानिरीक्षकमा बढुवा गर्ने निर्णय समेत बैठकले गरेको छ।