प्रियंका कार्कीले अभिनय गरेको हरर फिल्म ‘ममी’ अब युट्युबमार्फत हेर्न पाइने भएको छ। फिल्म श्रीकृष्ण निरौलाको आधिकारिक युट्युब च्यानलमा अपलोड गरिएको छ।
पछिल्लो वर्ष माघमा रिलिज गरिएको यो फिल्मले हलमा अपेक्षित सफल प्रदर्शन गर्न सकेन।
फ्यामिली ड्रामासहितको हरर शैलीमा निर्माण गरिएको ‘ममी’ समर निरौलाको निर्देशनमा तयार भएको हो। उनकै निर्देशनमा बनेको यो पहिलो फिल्म हो।
फिल्ममा प्रियंका कार्की, दीया मास्के, सुलक्षण भारती, समीप निरौला, घनश्याम जोशी, आयुषी ढकाल, जेभिस श्रेष्ठ, गीत विष्ट लगायत कलाकारको अभिनय समेटिएको छ।
समर निरौला र पूर्णिमा जोशीले लेखन गरेको यो फिल्मको निर्माण जिम्मा लोक राज जोशी तथा पूर्णिमा जोशीले लिएका छन्।
https://www.youtube.com/watch?v=M-VOcM5ZiQI