काठमाडौं महानगरपालिका–३२ स्थित सडकमा बा ८९ प ६३६५ नम्बरको मोटरसाइकलले ठक्कर दिँदा एक पैदलयात्रीको मृत्यु भएको छ।
अन्दाजी ६० वर्षका, नाम, थर तथा ठेगाना खुल्न नसकेका पुरुषलाई गत राति ती मोटरसाइकलले गम्भीर रुपमा घाइते बनाएको थियो।
घाइतेलाई उपचारका लागि राष्ट्रिय ट्रमा सेन्टर पुर्याइएकोमा उपचारकै क्रममा मृत्यु भएको उपत्यका ट्राफिक प्रहरी कार्यालयका प्रवक्ता प्रहरी उपरीक्षक नरेशराज सुवेदीले जानकारी दिए।
मोटरसाइकल चालकलाई नियन्त्रणमा लिएर दुर्घटनासम्बन्धी थप अनुसन्धान भइरहेको बताउँदै सुवेदीले घटनाबारे आवश्यक प्रक्रिया अघि बढाइएको जानकारी दिए।